நாகா்கோவிலில் பாலியல் வழக்கில் கைதாகி, சிகிச்சையிலிருந்த முன்னாள் எம்எல்ஏ சிறையில் அடைப்பு

நாகா்கோவில் கோட்டாறு பகுதியைச் சோ்ந்த 15 வயது சிறுமி தனது 20 வயது காதலனுடன் திருமணம் செய்யத் திட்டமிட்டு தலைமறைவானாா். அவா்களை கோட்டாறு போலீஸாா் மீட்டு, இளைஞரைக் கைது செய்தனா்.

சிறுமி அளித்த வாக்குமூலத்தில், தன்னைத் தனது தாய் அதிமுக முன்னாள் எம்எல்ஏ நாஞ்சில் முருகேசனிடம் அழைத்துச் சென்றதாகவும் அவா் தனக்கு பாலியல் தொல்லை கொடுத்ததாகவும் தெரிவித்தாா். மேலும் சிலரும் பாலியல் தொல்லை கொடுத்ததாகக் கூறினாா்.

நாஞ்சில் முருகேசன் மீது போக்ஸோ சட்டம் உள்பட 6 பிரிவுகளின் கீழ் நாகா்கோவில் அனைத்து மகளிா் போலீஸாா் வழக்குப் பதிந்தனா். இதனிடையே, அவா் கட்சியின் அடிப்படை உறுப்பினா் பொறுப்பிலிருந்து நீக்கப்பட்டாா்.

சம்பவம் தொடா்பாக சிறுமியின் தாய், நாகா்கோவில் குளத்தூரைச் சோ்ந்த ஆட்டோ ஓட்டுநா் பாலு (66), கோட்டாறு கம்பளத்தைச் சோ்ந்த அசோக்குமாா் (43) , உறவினா் காா்த்திக் (23) ஆகிய 4 பேரும் சிறையில் அடைக்கப்பட்டனா்.

திருநெல்வேலி மாவட்டம் திசையன்விளை பகுதியில் பதுங்கியிருந்த நாஞ்சில் முருகேசனை தனிப்படையினா் கைது செய்து நாகா்கோவிலுக்கு அழைத்து வந்தனா். அனைத்து மகளிா் காவல் நிலையத்தில் விசாரணைக்குப் பின்னா், அவா் மருத்துவப் பரிசோதனைக்காக ஆசாரிப்பள்ளம் மருத்துவமனைக்கு அழைத்துச் செல்லப்பட்டாா். அங்கு அவா் ரத்த அழுத்தம் குறைவானதால் நெஞ்சுவலி ஏற்பட்டதாகக் கூறி ஆசாரிப்பள்ளம் அரசு மருத்துவமனையில் 6 நாள்களாக சிகிச்சையில் இருந்தாா்.

இந்நிலையில், அவரது உடல்நலம் சரியானதாக மருத்துவமனை நிா்வாகம் கூறியதையடுத்து, அவரை போலீஸாா் நீதிமன்றத்தில் ஆஜா்படுத்தி நேற்று புதன்கிழமை நாகா்கோவில் கிளைச் சிறையில் அடைத்தனா்.