மின் கட்டணத்தை எந்தவொரு அபராதம் இன்றி கட்டலாம் - குமரி மாவட்ட கலெக்டர் அறிவிப்பு!
குமரி மாவட்ட கலெக்டர் பிரசாந்த் வடநேரே வெளியிட்டுள்ள அறிக்கையில் கூறி இருப்பதாவது:-
மின் கட்டணம் செலுத்து வதற்குரிய தேதியை தமிழக அரசு உத்தரவின்படி தமிழ்நாடு மின் உற்பத்தி மற்றும் பகிர்மான கழகம் வருகிற ஜூன் (6-ந்தேதி) வரை எந்தவித அபராதமும் இன்றி கட்டலாம் என அறிவித்துள்ளது. மற்றபடி எந்தவித கட்டண உயர்வும் அறிவிக்கப்படவில்லை.
மின்கட்டண கணக்கீடு செய்யும்போது நான்கு மாத கணக்கீட்டை இரண்டு மாத கணக்கீடாக பிரித்து ஏற்கனவே கட்டிய தொகை போக மீதமுள்ள தொகை மட்டும்தான் வசூல் செய்ய அறிவிக்கப்பட்டுள்ளது.
மின் நுகர்வோருக்கு இது சம்பந்தமாக ஏதாவது தெளிவு தேவைப்படின் அந்த பகுதியில் உள்ள பிரிவு அலுவலகத்தினை தொடர்பு கொள்ளுமாறு மாவட்ட நிர்வாகம் கேட்டுக் கொள்கிறது.
ஊரடங்கு உத்தரவை மீறிய வகையில் இன்று 18 வழக்குகள் பதிவு செய்யப்பட் டுள்ளன. 7 வாகனங்களும் பறிமுதல் செய்யப்பட்டுள் ளன. மொத்தத்தில் இதுவரை 7934 வழக்குகளும், 8906 வாகனங்களும் பறிமுதல் செய்யப்பட்டுள்ளன.
இவ்வாறு அறிக்கையில் கூறி உள்ளார்.
.தினமும் 2 லிட்டர் தண்ணீர் குடிக்காவிட்டால் ஏற்படும் பிரச்சனைகள்!
இன்றைய நவீன உலகில் எல்லாமே இயந்திரமயம் ஆகிவிட்ட நிலையில், கடின வேலையை கூட ஏசி அறையில் அமர்ந்து செய்யும் சூழல் ஏற்பட்டுள்ளது. உடல் உழைப்பு எதுவும் இல்லாமல், உட்கார்ந்தே செய்யும் கணினி வேலையால் பல்வேறு உடல் உபாதைகள் ஏற்படுகின்றன. குறிப்பாக, ஏசி அறையில் அமர்ந்து பணிபுரியும் போது தாகம் ஏற்படாததால், பலர் நீர் அருந்தாமல் அப்படியே தொடர்ந்து பல மணிநேரம் பணிபுரிகின்றனர்.
இதனால், அவர்களது உடலில் நீர்ச்சத்துக் குறைபாடு ஏற்படுகின்றது. இதுதொடர்பாக, டெல்லியை சேர்ந்த மருத்துவர்கள் ஆய்வு நடத்தி, அதன் முடிவுகளை வெளியிட்டுள்ளனர். அதில், நாள்தோறும் 2 லிட்டருக்கும் குறைவான தண்ணீரை குடிப்பவர்களுக்கு, சிறுநீர்த்தொற்றுநோய் ஏற்படலாம் என, ஆய்வில் தெரியவந்துள்ளது. குறைவாக நீர் அருந்துவதால், சிறுநீர்ப் பை, சிறுநீரகம் மற்றும் அதன் துவாரம் போன்ற இடங்களில் பாக்டீரியா தொற்று ஏற்படுகிறது.
இந்த பாக்டீரியா நாளிடையில் படிப்படியாக நன்கு வளர்ந்து, இருமல், குளிர், சளி, காய்ச்சல் போன்றவற்றை நமக்குக் கொண்டு
.
திருநெல்வேலி இருட்டு கடை அல்வா
தமிழகத்தில் எத்தனையோ ஊர்களில் உள்ளன. ஒவ்வொரு ஊருக்கென்று ஒரு சிறப்பம்சம் உண்டு எனினும் ஊரு பெயரை சொன்னதுமே வேறு எதைக்காட்டிலும் அந்த ஊரின் ஸ்பெஷல் உணவு நினைவுக்கு வருவதென்னவோ திருநெல்வேலிக்குத்தான். பாய்ந்தோடும் தாமிரபரணி, நெல்லையப்பர் கோயில் என்று பல சிறப்புகள் திருநெல்வேலிக்கு இருந்தாலும் நம் நினைவுக்கு வருவதென்னவோ இருட்டுக்கடை அல்வா தான். வெளியூரிலிருந்து அந்த வழியாக போகும் பேருந்துகள் அனைத்தும் இங்கே நிற்காமல் போவது இல்லை, இருட்டு கடை அல்வாவின் அருமையான எச்சில் ஊரும் சுவையே இதற்கு காரணம். இவ்வளவு பிரபலமான திருநெல்வேலி அல்வா எப்படி வந்தது என்று உங்களுக்கு தெரியுமா? தெரிந்து கொள்ளுங்கள்.
1930 - 1940 களில் ராஜஸ்தானை சேர்ந்த பிஜிலி சிங் என்பவர் துவங்கி அதன் பின் கிருஷ்ணசிங் மற்றும் அவருடன் இணைந்து அடுத்த தலைமுறையை சேர்ந்தவர்கள் நடத்தி வருகிறார்கள். இருட்டுக்கடை அல்வா விற்பனை மற்ற கடைகளை போல முழு நேர விற்பனை கிடையாது.
.
உங்களை எல்லா இடங்களிலும் பின் தொடரும் ஃபேஸ்புக்! வெளியான அதிர்ச்சி தகவல்!
ஃபேஸ்புக் பயன்பாட்டாளர்கள், தங்களது இருப்பிடம் குறித்த தகவல்களை அறிந்து கொள்ள முடியாதபடி, செயலியை அணைத்து வைத்தாலும் கூட, அதனை மூன்று வழிகளில் கண்டறிவதாக பேஸ்புக் நிறுவனம் தெரிவித்துள்ளது.
இதுதொடர்பாக அமெரிக்க செனட் சபையின் உறுப்பினர்கள் எழுப்பிய கேள்விகளுக்கு பேஸ்புக் நிறுவனத்தின் துணைத் தலைவர் ராப் ஷெர்மென் கடிதம் மூலம் பதில் அளித்துள்ளார். அதில், விளம்பரங்களை மூலம், வருவாய் ஈட்டுவதற்காக ஸ்புக் தனது பயன்பாட்டாளர்களின் இருப்பிடத்தை அறிந்து அதற்கேற்ப விளம்பரம் வெளியிடுவதாக தெரிவித்துள்ளது. இதற்காக, முதலாவதாக கணிப்பொறி இருக்கும் இடத்தை அதன் செயலி மூலம் கண்டறிவதாகவும், பல நேரங்களில் செயலி அணைத்து வைக்கப்படுவதால், அவர்கள் பயன்படுத்தும் கணினியின் ஐபி முகவரியை வைத்து இடத்தை கண்டறிவதாகவும் விளக்கம் அளிக்கப்பட்டுள்ளது.
