தவானுக்கு பதிலாக சஞ்சு சாம்சன் அணியில் சேர்ப்பு!

வெஸ்ட் இண்டீஸ் கிரிக்கெட் அணிக்கு எதிரான டி20 தொடரில், காயம் காரணமாக ஷிகர் தவான் இடம்பெறவில்லை. அவருக்கு பதிலாக சஞ்சு சாம்சன் அணியில் சேர்க்கப்பட்டுள்ளார்.

3 டி20, 3 ஒருநாள் போட்டி தொடர்களில் விளையாட வெஸ்ட் இண்டீஸ் அணி அடுத்த மாதம் இந்தியா வருகிறது. இந்த தொடருக்கான இந்திய அணி சமீபத்தில் அறிவிக்கப்பட்டது.

இந்த நிலையில், டி20 தொடரில் இடம்பெற்றிருந்த ஷிகர் தவானுக்கு, உள்ளூர் போட்டியில் விளையாடும் போது காயம் ஏற்பட்டது. இதன் காரணமாக அவர் அணியில் இருந்து விலகியுள்ளார். அவருக்கு பதிலாக சஞ்சு சாம்சன் அணியில் சேர்க்கப்பட்டுள்ளார்.

வங்கதேசத்துக்கு எதிரான டி20 தொடரில் இடம்பெற்றிருந்த சஞ்சு சாம்சன், அந்த தொடரில் போட்டியில் கூட களமிறக்கப்படவில்லை. வெஸ்ட் இண்டீஸ்க்கு எதிரான டி20 தொடரிலும் அவர் இடம் பெறாமல் போனது ரசிகர்களுக்கு அதிர்ச்சியை ஏற்படுத்தியிருந்தது குறிப்பிடத்தக்கது.முதல் டி20 போட்டி ஹைதராபாத்தில் டிசம்பர் 6ஆம் தேதி நடைபெறுகிறது.